النهار على قد شوقك ... شقشقينى
غرقينى ف بحر شايل شمس بكره لحد دارك
لملمى خوفى ف مدارك
ضيقه كل المدارك
وف عنيكى الكون و كل الأسئله
حبيبتى إنتى مشكله
الضل مايل ع الطريق .. ضلى انحنى
ماعدتش تفرق ضِلك انتى ضَلك انتى ولا انا
حضن الشجر رامى الورق تحت الخـُطى
من بعد ما دابت قلوبنا و السنين شبعت شقا
يا قلبى إيه ؟ صدق بقى
ماعدش فيه ف الكون طيور بتحب طعم الزقزقه
مفضلش غيرك يا وحيد
عيط بقى مستنى ايه ؟
لسه اللى بيحبك بعيد
وما حد بيدلك عليه
يا قلبى لو ف ضلوعى سور
سيبها و اموت و انت تعيش
كان نفسى تتغير .. تثور
تدى الأمانى جناح وريش
وشجره نونو مورقه
يا قلبى ايه ؟ صدق بقى
ماعدش فيه ف الكون طيور
بتحب طعم الزقزقه
غرقينى ف بحر شايل شمس بكره لحد دارك
لملمى خوفى ف مدارك
ضيقه كل المدارك
وف عنيكى الكون و كل الأسئله
حبيبتى إنتى مشكله
الضل مايل ع الطريق .. ضلى انحنى
ماعدتش تفرق ضِلك انتى ضَلك انتى ولا انا
حضن الشجر رامى الورق تحت الخـُطى
من بعد ما دابت قلوبنا و السنين شبعت شقا
يا قلبى إيه ؟ صدق بقى
ماعدش فيه ف الكون طيور بتحب طعم الزقزقه
مفضلش غيرك يا وحيد
عيط بقى مستنى ايه ؟
لسه اللى بيحبك بعيد
وما حد بيدلك عليه
يا قلبى لو ف ضلوعى سور
سيبها و اموت و انت تعيش
كان نفسى تتغير .. تثور
تدى الأمانى جناح وريش
وشجره نونو مورقه
يا قلبى ايه ؟ صدق بقى
ماعدش فيه ف الكون طيور
بتحب طعم الزقزقه
ليست هناك تعليقات:
إرسال تعليق