قصيدة شوية حظ...من أشعار علي سلامة

اربعة وخمسين حول
من بداية العرض
اربعة وخمسين
م الظهور على الارض
بداية السرد
بداية صبر مخلوط
ساعات بالحلو
سنوات بالمر
فى القلب
تجاعيد وخطوط
سنين تهرب سنين بتمر
صبرت ياما يمكن انول
وآه من سنين بتفوت
زى صوت القطر
اسأل
والسؤال مأزوم
فايز انا وللا........!!!
عشقت ابات مهزوم
وليه يا سؤالى تاعبنى؟
وليه ايامى تلاعبنى؟
تسعدنى ساعات.....اطير بيها
الحنها واغنيها
ساعات تحزنى اعديها
ايام العن خاش والديها
تعاندنى ىساعات... اداديها
تعود تهاودنى ........اراضيها
تصفى ساعات اتبغدد .....اسوق فيها
تهجرنى ىساعات تغربنى
اوقات تصفى تقربنى
توصلنى لمراسيها
ساعات...........
على احوالى تحاكمنى
تقسى كتير وتظلمنى
ارد القاضى واقاضيها
تطردنى ىساعات مع انى
مالك دروبها واراضيها
ياخلق حد يوصيها
قولولها خلاص
قلبى مل الصبر
قولولها تحسن القول
تختار الرد
شوية حظ قبل ماارمى النرد
يمكن فى اخر حول
قبل ما انهى السرد
قبل نهاية العرض
احس انى عايش فيها