قصيدة الضريبة...من أشعار علي سلامة

مش غريبه
ندفع الأوجاع ضريبه
قسمى الأحزان شرايح
عبى دمعى ف الصفايح
واسألى عمرى اللى رايح ع المصيبة
لسه شايلك ف العيون
أجمل حبيبه
قولى كذبة
حبى ليكى يبقى حسبة
دي المصيبة
لسه شايلك ف العيون
أجمل حبيبه
مين اللى قرر
يقتل الحلم
فى عيون كل الطيور
ليه تسلمينى
من طابور تانى لطابور
قيدى البخور
بركات جراحنا المزمنة
كل الأمانى الممكنة
تبقى يا دوبك دمعتين
فوق صوره باهته ملونة
سايبه الجراح ليه تهدنى
ايه فيكى تانى يشدنى
ده انا اللى حبى عززك
وانتى اللى عشقك ذلنى
لسه يا هبله بتسألى
بتحبنى...
نفسى اشترى...
شبرين فى حضنك وارتوى
فكرك مسافر اغتنى....
خدى اللى حيلتى...
الهدمتين والقرشينات....
بس استرى عرض البنات
لو حسنا على دمنا...
فى قلوبنا مات
لو بكره فات...
واحنا بياكلنا السكات...
كل الأمانى الممكنه.
تبقى يا دوبك ...
دمعتين..
فوق صوره باهته ملونه